राजगुरूनगरच्या ‘योगेश्वर ग्रुप’चा भव्य मंडप ठरतोय आकर्षणाचा केंद्रबिंदू; ‘सर्किट नाना लाईव्ह शो’ची रंगणार हास्याची मेजवानी

महावार्ता लाईव्ह | गणेशोत्सवाला उत्साहात सुरुवात झाली असून, राजगुरूनगर (ता. खेड) येथील ‘योगेश्वर ग्रुप मित्र मंडळा’चा भव्य आणि देखणा गणेश मंडप सध्या शहरवासीयांचे लक्ष वेधून घेत आहे. मंडळाचा आकर्षक लाल रंगातील मंडप पूर्णपणे सज्ज झाला असून, गणरायाच्या दर्शनासाठी तसेच विविध कार्यक्रमांचा आनंद घेण्यासाठी नागरिकांची वर्दळ वाढली आहे.

लाल रंगाच्या शाही सजावटीने मंडपाला आकर्षक रूप

योगेश्वर ग्रुप मित्र मंडळाने यंदा मंडपासाठी आकर्षक आणि पारंपरिक सजावटीची संकल्पना साकारली आहे. गडद लाल रंगाच्या कापडी सजावटीने मंडपाचे छत, मुख्य पार्श्वभूमी आणि बाजूचे पडदे सजविण्यात आले आहेत. त्याला पांढऱ्या किनारीच्या नक्षीदार पट्ट्यांची सुरेख जोड देण्यात आली आहे.

गणरायासाठी भव्य आणि प्रशस्त उंच स्टेज उभारण्यात आले असून, मजबूत लोखंडी ट्रस आणि भक्कम पाइप स्ट्रक्चरमुळे मंडपाला आकर्षक तसेच सुरक्षित स्वरूप प्राप्त झाले आहे. आकर्षक विद्युत रोषणाईमुळे रात्रीच्या वेळी मंडपाचे सौंदर्य आणखी खुलून दिसत असून, हा मंडप राजगुरूनगरमधील आकर्षणाचा केंद्रबिंदू ठरत आहे.

ढोल-ताशांच्या गजरात बाप्पाचे दिमाखात आगमन

गणरायाचे आगमन यंदा ‘धर्मवीर शंभूराजे ढोल-ताशा पथका’च्या निनादात दिमाखदार पद्धतीने करण्यात आले. ढोल-ताशांचा गजर, कार्यकर्त्यांचा उत्साह आणि गणरायाचा जयघोष यामुळे आगमन सोहळ्याला मोठी रंगत आली.

‘सर्किट नाना लाईव्ह शो’ ठरणार हास्याचा धमाका!

गणेशोत्सवाच्या निमित्ताने योगेश्वर ग्रुप मित्र मंडळाने यंदा राजगुरूनगरकरांसाठी (दि.२०) विशेष मनोरंजनाची मेजवानी ठेवली आहे. यामध्ये महाराष्ट्रातील प्रसिद्ध ‘सर्किट नाना लाईव्ह शो’ हा विशेष आकर्षणाचा केंद्रबिंदू ठरणार आहे. 

हास्य आणि मनोरंजनाने भरलेला ‘सर्किट नाना लाईव्ह शो’ प्रेक्षकांना खळखळून हसविण्यासाठी सज्ज असून, या विशेष कार्यक्रमाची शहरवासीयांमध्ये उत्सुकता निर्माण झाली आहे. गणेशोत्सवाच्या उत्साहात या विनोदी कार्यक्रमाची रंगत आणखी भर पडणार आहे.

इंदुरीकर महाराजांच्या कीर्तनाचीही उत्सुकता

मंडळाने मनोरंजनासोबतच प्रबोधनालाही विशेष महत्त्व दिले आहे. प्रसिद्ध कीर्तनकार ह.भ.प. निवृत्ती महाराज देशमुख (इंदुरीकर) यांच्या कीर्तनाचे (दि.२३) आयोजन करण्यात आले असून, त्यांच्या खास शैलीतील कीर्तनातून समाजप्रबोधनाचा संदेश मिळणार आहे.

याशिवाय महाराष्ट्राची सुप्रसिद्ध नृत्यांगना स्नेहा पिंपळकर यांच्या नृत्याविष्कारासह संगीतमय लोककला नाट्याचाही (दि.२२) कार्यक्रम आयोजित करण्यात आला आहे.

उत्सवात सुरक्षितता आणि सुविधांवर भर

गणेशोत्सव सुरू झाल्यानंतर मंडळाकडून भाविकांच्या सोयीसाठी आवश्यक नियोजन करण्यात आले आहे. दर्शनासाठी येणाऱ्या नागरिकांना कोणतीही अडचण होऊ नये, तसेच उत्सवाचा आनंद सुरक्षित वातावरणात घेता यावा, यासाठी मंडळाचे कार्यकर्ते नियोजनबद्ध पद्धतीने कार्यरत आहेत.

“यंदाचा गणेशोत्सव राजगुरूनगरकरांसाठी अविस्मरणीय ठरावा, यासाठी मंडप सजावटीसोबतच प्रबोधन आणि मनोरंजनाच्या दर्जेदार कार्यक्रमांचे आयोजन केले आहे. ‘सर्किट नाना लाईव्ह शो’सह इतर कार्यक्रमांचा नागरिकांनी मोठ्या संख्येने लाभ घ्यावा आणि श्रींचे दर्शन घ्यावे,” असे आवाहन नामदेव चव्हाण व पप्पू (नितीन) अडवळे, अध्यक्ष, योगेश्वर ग्रुप मित्र मंडळ, राजगुरूनगर यांनी केले.